جريدة "الوتن" 🥴 حبيبتنا كالعادة عملت تقرير مفتخر من داخل أحد مصانع الثلج ...
التقرير على الرغم من مستوى النظافة والصحة المتدني لأقصى درجات التدني ، التقرير كان ماشي زي الفل على أساس إن ألواح الثلج دي بيستخدمها البحارة والصيادين في رحلات الصيد لحفظ الأسماك من التلف ، وبالفعل شفنا السير المنيل بستوميت نيلة إلي الألواح دي بتتنقل عليه للسفن ...
لحد آخر دنشة في التقرير وأنا وأعوذ بالله من كلمة أنا قلبي الي ياما شاف من البث المباشر الي بتعمله هذه المواقع كان حاسس ان في نصشيبة سشوووودة في الآخر ، والحقيقة الوتن مخيبتش ظني وكانوا شايلين لنا المفاءجة ايوة هي اسمها كده اسمع مني 🙄 ...
آخر دنشة في الفيديو اكتشفنا ان مراسل الجريدة بيسأل صاحب المصنع : طب وبالنسبة لألواح التلج بتاعة عصير القصب !!!! قال له لأ السير ده للسفن واكتشفنا ان في عربيات واقفة تنقل ألواح الثلج دي لمحلات العصير 😁
ياااا لاااهواااي ... حوض المياه المستنيل الأشبه بالكابورت الي العامل كان بيهزه برجله الي لابس فيها كوزلوك قذر ، وألواح التلج الي واقف رشق فيها عامل تاني برجله بنفس الكوزلوك ، وبتتدألج على مجرى مصدي مرعب والأرضية المنيلة بتاعة المصنع ومستوى النظافة الي رايح في الوبا ويا هنادي .. كل ده بينتج لنا ألواح ثلج بينزل عليها عصير القصب مزقطط ومقطقط وإحنا نقربع بألف هنا وشفا علينا .
سأكتفي بهذا القدر وننتظر رأي المسؤولين
تعليقات
إرسال تعليق